Chelsea hmaah Crystal Palace

Champions League quarterfinal-a Real Madrid laka vanduai Chesea-in April 17, Pathianni zan dar 9:00 hian Crystal Palace nen Wembley Stadium-ah FA Cup semifinal an khel dawn.

Season liam ta khan Thomas Tuchel-a hote hian FA Cup final an thleng a, Leicester City an hneh lo. Tun season-ah final luhna remchang an nei nawn a, Southampton laka goal ruk khung thei leh Santiago Bernabeu-a goal thum khung thei team hi chak tura rinkai an ni ang.

Crystal Palace-in Chelsea aṭangin Conor Gallagher an hawh a, Eagles tan player pawimawh ni mah se English midfielder hian amah neitu club hi a hmachhawn thei dawn lo. Patrick Vieira chuan, "Loan chungchanga an dan siam hi dan ṭha lo tak a ni a, Conor chiahin a tuar dawn," tiin a sawi.

Tuchel pawhin Vieira leh Gallagher te hriatthiampui mah se dan chu dan a nih thu a sawi ve thung. Palace tan Gallagher awm lo tur hi chânna lian tak a ni dawn a, chutihrualin Blues hi chak chianga dah erawh a rem lo.

FA Cup Semifinal
Zanin Inkhel Tur
Man City 8:00 PM Liverpool
April 17, Pathianni
Chelsea 9:00 PM Crystal Palace