Burnley-in coach an ban

Premier League mawngphah lama talbuai lai Burnley chuan an coach Sean Dyche an ban. An match hnuhnung berah table mawngphaha awm Norwich City chu 2-0 in an ngam lo a ni.

Dyche-a hian 2012 October aṭang khan Burnley hi a enkawl - Premier League manager zingah mahni hna ngai chelh rei ber a ni hman hial, mahse season an hman ṭhat loh em avangin a dinhmun a hum zo lo.

Assistant manager Ian Woan, first-team coach Steve Stone leh goalkeeping coach Billy Mercer te pawhin Dyche rual hian Burnley an chhuahsan ve bawk.

Burnley hian Pathianni zanah West Ham an lenchilh dawn. Under 23 coach Mike Jackson-a'n team a enkawl lailawk dawn a, academy director Paul Jenkins, Under-23 goalkeeping coach Connor King leh captain Ben Mee ten an pui ang.