ATK-Mohun Bagan director Ganguly

Kolkata club ATK-Mohun Bagan chuan director atan BCCI president Sourav Ganguly an ruat. Season thar aṭangin ISL club ATK leh I League club Mohun Bagan te chu an inthlun zawm a, club hming tur pawh hi an ti chiang lo.

ATK-Mohun Bagan club neitute chuan July 10 hian club hming, jersey leh logo chungchang ngaihtuahin an inhmu khawm ang. Club neitu zinga mi Utsav Parekh chuan, "Ganguly hi team neitu zinga mi a ni a, director atan hian 100% a ruat theih a ni," tiin a sawi.

Kolkata club hi an inziah luh ṭumin ATK-Mohun Bagan Private Limited tih an ni a; board member panga an awm. Chungte chu ATK neitu zinga mi Utsav Parekh, Mohun Bagan neitu pahnih Srinjoy Bose leh Debashish Dutta bakah member dang pahnih Gautam Ray leh Sanjeev Mehra te an tel a ni. Parekh chuan thil awm dan sawifiahin, "Hmalak a ngaih tawh avangin tih tur ṭul ang te kan lo ti lawk mai a ni. Club neitu zinga chan ngah ber Goenka pawh a tel lo a, Ganguly rual hian board member-ah dahluh a ni," a ti. Sanjiv Goneka hian club-ah neitu nihna 80% a nei a ni. Club pahnih an inawm hma hian ATK hi ISL-ah vawi thum an champion a, Mohun Bagan hi I League-ah vawi hnih an 

champion bawk.