A tawpah Oliveira a chak

Pathianni zan khan tun season chhunga MotoGP intlansiak hnuhnung ber Portugal Grand Prix tlan a ni a, intlansiak awmze nei tawh loah Miguel Oliveira chuan hnehna a chang.

Oliveira-a'n anmahni ramah a vawi khat nan bike intlansiakna sang ber a hmachhawn a, KTM Tech3 rider hian a hmasa ber aṭanga inelna bul ṭanin a tawp thlengin hma a hruai a, harsatna lian tham a tawk lo.

MotoGP champion ni hlim Joan Mir chuan 20-na aṭangin inelna a hmachhawn ve ṭawk a, khawl lam chian loh vangin a tlan tluan thei lo a ni.