November player ṭha ber Sterling

Tun hnaia khelmual pawn lam boruak dang nei Raheem Sterling tan chanchin lawmawm a nei ve leh ta. Manchester City forward hi November thla chhunga Premier League player ṭha ber atana thlan a ni.

England international hian November thla chhung khan league match vawi thum a khelhah goal thum a khung a, a ṭhiante khung tur ṭum thum a siamsak bawk. 2016 August thla khan he chawimawina hi a lo dawng tawh bawk a, a ṭum hnih nan a dawng leh chiah. Tun ṭumah hian Manchester City tana a khelh pui, Leroy Sane leh David Silva te bakah Felipe Anderson, Lucas Digne, Andrew Robertson leh Moussa Sissoko te a khum.

Kum 24 mi Sterling hi Chelsea nen an inkhelh ṭumin chi inthliarna rawngkaia chhaih nawmnah a ni a, he thil hi chhui chian mek a ni. Thil thleng avang hian Blues chuan an fans pali an hrem phah a ni.