Kulikawn leh RVL an chak

Tualchhung cricket inelna lian - Mapuia Memorial Mizoram Cricket League khelh laiah, team ṭha pahnih Kulikawn leh Ramhlun Venglai te chuan Inrinni khan an khingpui ve ve an hneh.

Suaka Cricket Stadium, Sihhmuia inkhelah Kulikawn hian Bawngkawn South chu 67 runs zetin an hneh a, batter C. Lalrinsanga'n ball 44 a hmachhawn aṭanga 50 runs siamin a khel ṭha hle. Kulikawn chak theih nan wicket hnih latu Ajay Rai a che ṭha bawk.

Match li an khelh tawhah Kulikawn hi vawi hnih an chak a, table-ah pahnihna dinhmun an luah, match khel hnem ber a nih mek avang erawh chuan pahnihna dinhmun hi a la him rih chuang lo, in tlanpel thei reng an la ni.

Inkhel hnuhnung zawkah Ramhlun Venglai chuan Luangmual lakah 19 runs-in hnehna an chang a, an match hmasa zawkah Chanmarians lakah che sual mah se an tho chhuak lehnghal; vawiinah Chhinga Veng nen an inhmachhawn ang.

Vawiin Inkhel Tur - Round 4
Luangmual 09:00 AM Chanmarians
Chhinga Veng 01:00 PM Ramhlun Venglai
Thlirna Tawi
Kulikawn 141/5 (20.0 Ov) bt Bawngkawn South 74/10 (14.3 Ov)
Kulikawn hi 67 runs-in an chak
Toss: Kulikawn lamin vuak hmasak an thlang
Kulikawn: C. Lalrinsanga 50 (44); Parvez Ahmed 19*(13)
Zoramthanga 2/25 (4); Lalmalsawma Khawlhring 1/14 (3)
Bawngkawn South: Arbin Shahi 17 (19); Lalmalsawma Khawlhring 16 (9)
Ajay Rai 2/6 (3); Vanlalpekhlua 2/7(2)
PoM: C. Lalrinsanga, Kulikawn
Ramhlun Venglai 118/5 (20.0 Ov) bt Luangmual 99/9 (20.0 Ov)
Ramhlun Venglai hi 19 runs-in an chak
Toss: Luangmual lamin vawm hmasak an thlang
Ramhlun Venglai: Lalhmachhuana 51* (48); Reuben Lalhruaizela 22(24)
G. Lalbiakvela 1/18 (4); Lalrempuia 1/20 (4)
Luangmual: B. Lalnunfela 22 (32); David S Malsawmtluanga 16* (14)
Lalrinfela Zadeng 3/23 (4); Remruatdika Ralte 2/19 (4)
PoM: Lalhmachhuana, Ramhlun Venglai