Lucknow leh KL Rahul te an che ṭha

Indian Premier League-ah captain KL Rahul-a kaihhruainain team thar Lucknow Super Giants chuan Inrinni zan khan Mumbai Indians chu 18 runs-in an hneh.

Brabourne Stadium-a inkhelah Mumbai-in vawm hmasak an thlang a, Lucknow opener KL Rahul-a'n ball 60-ah thi loin 103 runs a vaw chhuak. Lucknow hian over 20-ah 199/4 runs an siam a, chak turin an dinhmun a ṭha.

Mumbai Indians middle order Dewal Brevis (31), Suryakumar Yadav (37, Tilak Varma (26) leh Kieron Pollard (25) te che ṭha tlang mah se over 20-ah 181/9 runs chauh an siam a, 18 runs-in Lucknow run siam an pha lo.

Inrinni inkhel dangah Royal Challengers Bangalore(189/5)-in Delhi Capitals (173/7) chu 16 runs in an hneh bawk. Zanin dar 7:30 hian Rajasthan Royals leh Kolkata Knight Riders te an inkhel leh ang.