Semifinal-ah Bopanna leh Murray chak lo

Monte Carlo Masters-ah Indian tennis star Rohan Bopanna leh a kawppui Jamie Murray te chuan Inrinni khan seeded pakhatna Rajeev Ram (USA) leh Joe Salisbury (Great Britain) te chu 3-6, 7-6, 11-9 in an hneh lo.

Semifinal hmuhnawm tak hi darkar khat leh minute 45 an khel tling hial. Bopanna leh Murray te hi a vawi khat nan ATP Tour-ah an inkawp a, match point vawi thum pumpelh mah se Ram leh Salisbury ten hnehna an chang ta tho.

Kum 42 mi Rohan Bopanna hi Indian tennis player zinga record nei ṭha zinga mi a ni a, men's doubles leh mixed doubles-ah sulhnu ṭha tak a nei. Bopanna hi doubles ranking-a a thlen san lai berin world no. 3 a ni pha a, tunah hian ranking-ah number 38 a ni mek.