Sheffield-in chak an la nei lo

Sheffield United-in Bramall Lane-ah West Ham United an mikhual a, 1-0 in an hneh lo. Pathianni zana goal awmchhun hi minute 56-naa Sebastien Haller-a khung a ni.

Hammers tan Declan Rice-a‘n crossbar a tauh per a, Blades pawhin chance ṭha an hloh. Oli McBurnie goal khung tur chu West Ham keeper Lukasz Fabianski-a‘n a kut hmawrin a dang a, Mc Burnie leh  David McGoldrick ten woodwork an tih per ve ve bawk.

Sheffield hi season liam ta khan pakuana an ni a, hun rei tak Europe inelnaa khelh an inbeisei pha hial. Tun season-ah erawh Blades an che ṭha lo a, match kua khelh tawh aṭangin point khat chiah an la hlawh chhuak a, chak an la nei lo.