Tai Tzu Ying lakah Sindhu a chak

P. V. Sindhu chuan tun hnaia a tih theih ngai loh thil pakhat chu a ti thei ta. Badminton World Tour Finals khelh laiah Ningani khan Indian nula hian Tai Tzu Ying hi 14-21, 21-16, 21-18 in a hneh.

Guangzhou, China-a inkhelah a tir lam minute 16 chhungin Sindhu hian game hmasa ber a hloh a, mahse game hnuhnung pahnihah erawh world number 1 hi a hniam zawkah ṭangin Sindhu a chak.

Tun hma an intawn hnuhnung 13 zingah Sindhu hi a zawmin vawi ruk a tlawm a, tun ṭumah pawh hian chak lo zawk tura ngaih a ni hman. Amaherawhchu, Sindhu hian inbuatsaihna a nei ṭha tih a chiang a, boruak sang leh thahrui hman a ngaih nasat hnuah hnehna a chang thei ta a ni.

Season hmasa Badmin-ton World Tour Finals-ah hian Sindhu hi pahnihna a ni, kuminah hian champion ngei tumin inbuatsaihna pawh a nei ngawrh hle, hun awl a neih hnem theih nan inelna ṭhenkhat pawh a hmachhawn loh phah hial.