PSG dinhmun a derthawng

Paris St-Germain-in kartawpah Monaco an hneh lo a, chutihrualin Ligue 1-ah erawh hmahruaitu an la nih bakah an ṭhat fal avangin an champion ngei a rinawm hle.

Champions League-ah erawh vawi khat chetsual a pawi tawh a, zanina RB Leipzig an hneh lo nawn a nih chuan knockout lut turin inkhel dang result-ah an innghah a ngai dawn.

French champion hian inhilam vangin Juan Bernat, Thilo Kehrer, Marco Verratti, Mauro Icardi leh Julian Draxler te bakah hrem vangin Idrissa Gueye leh Presnel Kimpembe te an chhawr thei lo.

Chutihrualin PSG tana chanchin lawmawm erawh Neymar a dam tawh a, Thomas Tuchel chuan RB Leipzig nen inkhelh hunah bul a ṭan tur thu a sawi. 

Brazilian forward Neymar thlawp tur hian Kylian Mbappe leh Angel di Maria te an awm a, inhliam an ngah chungin chak tura rinkai zawk an ni ang.