Napoli tan Milik goal a tawk

Minute 91-naah Polish striker Arkadiusz Milik-a free kick chhuih luh hmangin Napoli chuan Cagliari 1-0 in an hneh a, Carlo Ancelotti naute hian tun season Serie A inkhelh kal laiah an khelmual bikah hneh loh nei loa kaltluang Cagliari record an ti tawp.

Italian champion Juventus chuan Inrinni zan khan Cristiano Ronaldo goal khat hmangin Torino an hneh tawh bawk a, Turin club-in hma an hruai fal lutuk tur chu Napoli hian an rawn ti zim leh rih - an inkarah point riat a awm.

Pathianni zan inkhel dangah Fiorentina chuan Empoli 3-1 in an henh a, season bul ṭan fuh lo Fiorentina hian match 16 an khelh aṭanga point 22 hmuin table-ah pakuana an ni mek.