Mumbai khawpuiah goal a sur
Indian Super League, kumin bik atana inkhel hnuhnung berah Mumbai City chuan 6-1 in Kerala Blasters an sawp a, Mumbai khawpuiah goal a sur.
Mumbai City tan Modou Sougou chuan goal li a khung a, Indian Super League chanchina match khata goal li khung thei hmasa ber a ni.
Mualneitu team tan hian Rafael Bastos leh Matias Mirabaje ten goal khat ve ve khung bawkin Blasters tana Seiminlen Doungel goal khung chu mualpho zualpui tur khuhna chauh a ni.
ISL season kal mekah kumin bik chu inkhel a awm tawh dawn lo a, Bengaluru chuan table chung bera awm chungin Krismas an hmang dawn tihna a ni.
January-ah Asian Cup khelh a ni dawn a, he inelnaah hian India an inlan dawn avangin December 20 aṭangin India team an 'camp' tawh dawn a, hei vang hian kumin ISL hi an chawl hma.
Team Dinhmun
# Team Pld W D L GF GA GD Pts
1 Bengaluru 11 8 3 0 18 8 10 27
2 Mumbai City 12 7 3 2 20 12 8 24
3 Goa 11 6 2 3 27 17 10 20
4 NorthEast United 12 5 5 2 16 14 2 20
5 Jamshedpur 12 4 7 1 21 14 7 19
6 ATK 12 4 4 4 10 11 -1 16
7 Pune City 12 3 2 7 12 21 -9 11
8 Kerala Blasters 12 1 6 5 12 20 -8 9
9 Delhi Dynamos 12 1 4 7 13 21 -8 7
10 Chennaiyin 12 1 2 9 13 24 -11 5