CSK an vannei thei lo

Indian Premier League-ah champion lai Chennai Super Kings-in chak an harsat a, Pathianni zan khan Gujarat Titans lakah an vanduai.

Maharashtra Cricket Association Stadium-ah inkhel hmuhnawm bik chhawpchhuah a ni a, Gujarat-in an vawm hmasak an thlang. Chennai tan Guturaj Gaikwad (73), Ambati Rayudu (46) leh Ravindra Jadeja (22*) te an che ṭha a, 169/5 runs an siam.

Titans 'top order' te che chhe mah se David Miller-a'n thi loin ball 51 aṭangin 94 runs a siam a, captain Rashid Khan-a'n ball 21 aṭangin 40 runs siamin a rawn thlawp ṭha bawk. Gujarat-in ball khat dan bangin 170/7 runs an siam a, hnehna an chang hram.

Inkhel dangah Sunrisers Hyderabad (152/3) chuan Punjab Kings (151) chu wicket sarihin an hneh. Zanin dar 7:30-ah Lucknow Super Giants leh Royal Challengers Bangalore te an inkhel ang.