RVL lakah 3C an tlawm

Mapuia Memorial Mizoram Cricket League khelh laiah, nimin khan Ramhlun Venglai chuan Chhinga Veng lakah 19 runs-in hnehna an chang a, inkhel dangah Chanmarians chuan Luangmual an hneh bawk.

President's Cup leh Mahuma Memorial champion lai RVL hian, tunhnaiah tualchhung cricket inelna an thunun viau. Tournament khelh laiah Chanmarians lakah an chesual zeuh tawh a, a bak chu chetsual an la nei lo - vawiinah chak la nei lo Bawngkawn South an hmachhawn leh ang.

Suaka Cricket Ground, Sihhmuia inkhel hmasa zawkah Chanmarians chuan Luangmual chu wicket kua zetin an hneh a, inelna neih laiah match li khel tawhin an la chak fai vek, point riat hmuin table hmahruaitu an ni.

Chak lo Luangmual hian vawiinah Kulikawn an hmachhawn leh nghal dawn. G. Lalbiakvela awmna team hian semifinal thlen an duh a nih chuan a ni zawna chak loh a rem lo ang, team hlun lakah fiahna an hmachhawn dawn.

Thlirna Tawi
Vawiin Inkhel Tur
Luangmual 09:00 AM Kulikawn
Ramhlun Venglai 01:00 PM Bawngkawn South

Nimin Inkhel Results
Chanmarians 91/1 (14.1) bt Luangmual 90/10 (18)
Chanmarians hi wicket kua in an chak
Toss: Luangmualin vawm hmasak an thlang
PoM: Bobby Zothansanga, Chanmarians

Ramhlun Venglai 156/4 (20) bt Chhinga Veng 137/8 (20)
Ramhlun Venglai hi 19 runs-in an chak
Toss: Ramhlun Venglaiin vuak hmasak an thlang
PoM: Johan Lalbiakkima, Ramhlun Venglai