Sevilla nen 1-na nih kan inchuh ang - Werner

Champions League group E-ah Chelsea leh Sevilla ten point sarih ve ve an hmu a, an group-a awm dang Krasnodar leh Rennes ten an elpha lo.

Zanin dar 11:25 hian Chelsea-in Rennes an hmachhawn ang a, Sevilla-in Krasnodar an tlawh bawk dawn.

German striker Timo Werner chuan, "Ṭha taka khel chungin Rennes hneh kan duh. Chumi zawh chuan Sevilla nen group hmahruaitu nih kan inchuh ang," tiin a sawi.

Chelsea leh Europa League champion lai Sevilla hi group match hmasa berah inhmachhawnin goal awm loin an inhnehtawk.

Frank Lampard-a kaihhruai Chelsea hi an insiamrem tawh a, an hmaa awm apiang an hneh zel. Blues hian kartawp khan awlsam takin Newcastle 2-0 in an hneh a ni.