Nets aia Celtics chungnunna point khat

NBA Eastern Conference lamin playoff an khel chho ṭan a, nimin zing game 1 inkhel ngaihven hlawh takah Miami Heat chuan Brooklyn Nets lakah 115-114 in hnehna an chang.

Hun tawp dawnah Nets hian 114-113 in hma an hruai zawk. Mahse, Kevin Durant-a'n 3-points luh a tum chu a hlah a, second 15 chauh la awm tawhah Jayson Tatum chuan Marcus Smart-a basket neih tur siamsakin an lehthal.

Nets tan Kyrie Irving chuan point 39 neiin ani aia nei hnem an awm lo. Mahse, pasarihna ni chunga regular season khartu team hian beisei an la phak hleithei lo, thleng sang tur chuan insiamṭhat ngaihna lai an ngah.

Regular season laia che ṭha fal, team dang chunga leng ni bawk Phoenix Suns an la hmuhnawm chhunzawm. Suns hian New Orleans Pelicans chu 110-99 in an hneh a, an inthlahdah zeuh a nih loh chuan best of seven series hi harsa vak loa an lak a rinawm.

NBA Eastern Conference
Playoff - Game 1
Atlanta Hawks 91 - 115 Miami Heat
Brooklyn Nets 114 - 115 Boston Celtics
Chicago Bulls 86 - 93 Milwaukee Bucks
New Orleans Pelicans 99 - 110 Phoenix Suns