India junior number 1 a thi

Table Tennis Senior National and Inter-State table tennis championship vawi 83-na hmachhawn tura kal, kum 18 mi D. Vishwa chu Guwahati aṭanga inelna neihna tur hmun Shillong an panna kawngah accident vangin a thi.

Vishwa hi Loyola College-ah B.Com zirlai a ni a, tun ṭumah hian Tamizhaga Table Tennis Association (TTTA) aiawh a chhuak niin, a motor chuanna hi truck nen an in tai palh.

Chetsualna vang hian India junior number 1 bakah driver a thi a, midang R. Santosh Kumar, D. Kishore Kumar leh S. Abhinash Prasannaji te erawhin hliam na lutuk an tuar lo thung.

Tournament hmachhawn tur hian Mizoram Table Tennis Association pawhin team a tir a, inelna hi vawiin aṭangin Shillong khawpuiah khelh a ni dawn.