Mizoram Premier League ; vawi thum Champion hmasa ber Aizawl FC
Mc Dowell's No. 1 Soda Mizoram Premier League Season 7-ah Aizawl FC chuan champion lai leh league hmahruaitu Chhinga Veng chu hun pangngaiah 1-1 a an inhnehtawk hnuin penalty shootout-ah 5-4 a hnehin an champion.
Inrinni zan Lammual inkhelah I League club tan Alfred Kemah Jaryan chuan minute 39-naah hmahruaina goal a khung a, Chhingcows-in minute 73-naah Lalromawia hmangin 1-1 in an sut.
Extra time-ah goal a lut tawh lo a, penalty shootout-ah Aizawl FC tan Lalrinchhana Tochhawng-in chakna goal a khung a, Chhinga Veng captain hlui hian a club hlui lama goal a khung hi a lawm (celebrate) duh lo.
Gatch-a tel lohna
Chhinga Veng FC-in final-ah Ivorian forward Gatch Arthure Diomande an hmang thei lo a, dam chian loh vangin Lalromawia'n inkhel bul a ṭan lo bawk. League round-a khel tam lo Laldinliana Varte leh Jacob Lalrawngbawla ten bul an ṭan a, player ṭha tak ve ve ni mah se Lalsangzuala Hmar-in a duh dan takin player a chhawr lo niin a lang.
Chhingcows tlarhnung erawh rinlawk ang vek an lut a, keeper-ah Zothanmawia lutin, defender-ah Vanlalchhuanga, PC Laldinpuia, Vanlalzuidika leh Hmingthanmawia te an intlar.
Midfield laiah Lalrinchhana leh Jacob te inkawpin Lalmuansanga'n tlarhma a awm MS Dawngliana nen a thlun zawm a. Mual sir aṭangin Dina Varte leh F. Lalnuntluanga ten an thlawp bawk.
Rawlthar an tam
Aizawl FC coach Gift Raikhan-a'n captain Alfred Kemah Jaryan chu hmun pawimawh chantirin Lalkhawpuimawia nen tlar hmaah a inkawptir a, F. Lalremsanga chu inhliam vangin a tel thei lo. Midfield laiah Paul Ramfangzauva leh Lalhmangaihkima te an inkawp, mual sirah Isak Vanlalruatfela leh Rochharzela-te an awm.
Tlarhnungah Joe Zoherliana, Hmingthanmawia, Lalhriatrenga leh Lalbiaknia te hmangin keeper-ah Lalawmpuia chu Gurpreet Singh aia chhawr a ni.
Coach Gift hian rawlthar beiseiawm leh che rang ho chungah rinna a nghat ngam a, tawnhriat ngah zawk player Rinchhana, Fela Zote, Ansumana Kromah, Bektur Tlagat Uulu leh David Biakzara te chu bench-ah dah an ni.
Mamawh chhanna Alfred
Ruahsur hnuaiah final khelha ni nachungin entu mipui an ṭhahnem a, amaherawhchu khelmual ber a nal avangin finalist team ten an duh angin bul an ṭan thei lo.
Chhingcows-in chance ṭha an nei hmasa a, Dawngtea chuan AFC defender Achia ball chhuhsakin keeper AwP-a chiah a hmachhawn hnuah goal sirah chiah a pet. I League club an khel ṭha zawk a, ball chang tamin goal chance pawh an ngah zawk.
Minute 39-naah Chhinga Veng defender Dinpuia tauh chhuah sual chu Alfred-a'n box pawn aṭangin kawh zetin a volley lut a, first half-a goal awm chhun a ni.
Romawia a rawn lang
Chhinga Veng coach Sanga'n si phurh sut turin game thlak danglam a ngai tih a hria a, second half ṭan chiahah Romawia leh Rammawia-te a luhtir nghal a, inkhel erawh a danglam phah tam lo.
Aizawl FC-in goal khat humhim an tum a, midfielder Hmangaihkima la chhuakin Kromah an dah lut a, Alfred chu midfield-ah a pawhlet a ni. Hemi hnu hian inhliam vangin Mapuia lak chhuah a ni. I League club-in duh vang reng loa player an thlak danglam avangin an game-in a tuar tih a lang.
Minute 73-naah Rinchhana freekick chu box chhungah Dawng-tea'n dang perin Romawia'n rang zetin Chhinga Veng si phurh sut nan a hmang.
Aizawl FC hi an buaina pangngai 'set piece' ah an insiam ṭha thei lo tih a lang a, I League-ah foreigner palian lakah an buai a, MPL-ah pate che rang lakah an buai tho. Team pahnih an fimkhur zui a, goal dang a lut tawh lo.
AFC an vanduai
MPL final extra time-ah subsitution pakhat dang a siam belh theih a, hun pangngaia thlak theih nen pali a ni. Aizawl FC squad chhahna a lang a, bench aṭangin MPL hnuhnung pahniha captain ni chunga Chanmari leh Chhingcows champion puitu Rinchhana bakah tawnhriat ngah Fela Zote te an luhtir thei a, an ṭhatpui.
Extra time-ah Aizawl FC-in goal chance ṭha an nei a, Thingsultliah rawlthar Isak-a'n crossbar a pet per a, Kromah-a'n nalh taka ball a chawh kual hnuah goal-ah petin keeper T. Mawia'n a dan hnuah goal ban perin goal pawnah a chhuak. An chance ṭha ber erawh Chhara'n a hlah a, Chhinga Veng rawlthar hian Isak-a hnen aṭanga a ball duhthusam hmuh chu an veng club goal-ah a thun thei lo.
AFC an vannei
Penalty shootout hmanga chak zawk zawn a ngai ta.
Chhinga Veng tan Dawngtea rawn pen chhuakin a pet goal a, AFC tan Rochhara'n a sût. Chhingcows tan Muansanga'n pet lutin I League club-in tawnhriat nei tlem an pet tir leh ngat a, boruak sangah Paul-a pet chu T. Mawia'n a dan sak.
Chhinga Veng tan Romawia leh Sangliana ten an pet goal chhunzawm a, AFC-in tawnhriat nei ṭha an dah ṭhat rawn hmangin Alfred leh Fela Zote ten an khung ve bawk. Chhingcows tan champion turin goal khat chiah a ngai tawh a, Rinchhana pet chu a zawna ṭum li MPL best keeper ni thei AwP-a'n a dan sak.
AFC-in tawnhriat nei player an ngah an ṭhatpui, Kromah-a'n rawn khungin Chhingcows zawkin pressure an nei ta chiah. Sudden Death-ah Hmingtea pet chuan crossbar a per a, Aizawl FC tan Rinchhana Tochhawng-in rawn petin keeper T. Mawia bumin champion-na goal a khung.
Aizawl FC champion kalkawng
LEAGUE ROUND
Round 1 - September 7, Zirtawpni
Electric Veng 2 - 1 Aizawl FC
EFC : Alfred Kemah Jaryan 69' (OG); Isak Vanlalpeka 71'
AFC : Alfred Kemah Jaryan 80'
Round 2 - September 13, Ningani
Aizawl FC 2 - 2 Chanmari FC
AFC : F. Lalremsanga 6'; Isaac Vanlalruatfela 39'
CFC : C. Lalrosanga 14'; Lalnunzama 69'
MoM : Isaac Vanlalruatfela, AFC
Round 3 - September 21, Zirtawpni
Mizoram Police 1 - 3 Aizawl FC
MPFC : Lalramtharmawia 59'
AFC : Alfred Kemah Jaryan 9', 52'; Lalrinfela 85'
MoM : Paul Ramfangzauva, AFC
Round 4 - September 26, Nilaini
Aizawl FC 0 - 0 Chhinga Veng
MoM : Gurpreet Singh, CVFC
Round 5 - September 28, Zirtawpni
Ramhlun North 0 - 2 Aizawl FC
AFC : F Lalremsanga 10'; Rochharzela 41'
MoM: F. Lalremsanga, Aizawl FC
Round 6 - October 5, Zirtawpni
Aizawl FC 2 - 2 Chawnpui FC
AFC : F. Lalremsanga 28'; Lalkhawpuimawia 48'
CPFC : David Laltlansanga 25'; Vanlalthanga 45+2'
MoM : F. Lalremsanga, AFC
Round 7 - October 12, Zirtawpni
Bethlehem VT 1 - 4 Aizawl FC
BVT : PC Vanlalhruaia 49'
AFC : F. Lalremsanga 9'; Ganefo Ansumana Kromah 43'; Lalrinfela 55'; Lalkhawpuimawia 90+1'
MoM : Lalrinfela, AFC
Round 8 - October 17, Nilaini
Chawnpui 1 - 1 Aizawl FC
CPFC : Vanrammawia Ngente 44'
AFC : Thomas Lalthlamuana 90+1' (OG)
MoM : Lalthlamuana, CPFC
Round 9 - October 25, Ningani
Aizawl FC 1 - 0 Bethlehem VT
AFC : K. Lalhmangaihkima 27'
MoM : K. Lalhmangaihkima, AFC
Round 10 - October 30, Thawhlehni
Aizawl FC 4 - 0 Ramhlun North
AFC : Albert Zohmingmawia 31'; Rochharzela 48'; Lalhriatrenga 54'; Lalruatfela Zote 82'
MoM : Albert Zohmingmawia, AFC
Round 11 - November 19, Thawhtanni
Chhinga Veng 1 - 1 Aizawl FC
CVFC : Gatch Arthure Diomande 72'
AFC : Lalruatfela Zote 49'
MoM : Lalhriatrenga, AFC
Round 12 - November 8, Ningani
Aizawl FC 2 - 0 Electric Veng
AFC : K. Lalhmangaihkima 55'; F. Lalremsanga 87'
MoM : F. Lalremsanga, AFC
Round 13 - November 13, Thawhlehni
Aizawl FC 2 - 1 Mizoram Police
AFC : Isak Vanlalruatfela 45+1'; Lalkhawpuimawia 83'
MPFC : Malsawmfela 51'
MoM : Rochharzela, AFC
Round 14 - November 17, Saturday
Chanmari FC 1 - 0 Aizawl FC
CFC : Laldampuia 85'
MoM : Laldampuia, CFC
# Team Pld W D L GF GA GD Pts
1 Chhinga Veng FC 14 10 3 1 21 7 14 33
2 Aizawl FC 14 7 5 2 25 12 13 26
3 Mizoram Police 14 7 0 7 22 16 6 21
4 Chanmari FC 14 6 3 5 17 17 0 21
5 Electric Veng FC 14 6 2 6 16 17 -1 20
6 Chawnpui FC 14 3 6 5 13 18 -5 15
7 Ramhlun North 14 2 5 7 14 27 -13 11
8 Bethlehem VT 14 2 2 10 13 27 -14 8
SEMIFINAL
First Leg - November 26, Thawhtanni
Aizawl FC 2 - 1 Mizoram Police
AFC : Bektur Talgat Uulu 28'; Alfred Kemah Jaryan 90+3'
MPFC : Lalfakzuala 84'
MoM : Lalawmpuia, AFC
Second Leg - December 1, Inrinni
Mizoram Police 2 - 2 Aizawl FC
MPFC : Lalfakzuala 9'; R. Malsawmtluanga 55'
AFC : Rochharzela 16'; K. Lalhmangaihkima 28'
MoM : F. Lalremsanga, AFC
Agg-ah Aizawl FC 4-3 in an chak
FINAL
December 17, Thawhtanni
Chhinga Veng FC 1- 1 Aizawl FC
Penalty Shootout-ah Aizawl FC 5-4 in an chak
CVFC : Lalromawia 73'
AFC : Alfred Kemah Jaryan 39'