Sociedad an chak thei lo

Covid-19 vanga La Liga chawlhlawk a nih hmain Real Sociedad hming sawi vul a ni a, league an khelh chhunzawm leh meuh erawh chuan chak an harsat hle.

Sociedad hian Basque derby-ah Alaves an lenchilh a, 2-0 in an tlawm. Alaves tan hian Borja Sainz chuan minute 56-naah goal hmahruai a khung a, Sociedad hian chhanlet tum viau mah se minute 81-naah defender Joseba Zaldúa chu hnawhchhuah a ni zawk!

Hun tawp nan minute thum chauh a awm tawh tihah Alaves midfielder Tomas Pina hnawhchhuah ni ve leh mah se Sociedad an tho thei chuang lo a, Alaves tan Martin Aguirregabiria chuan hun pek belh minute ruknaah rawn khung belhin mualneitu team an chak.