Curry tan mellung pawimawh

Stephen Curry chu Gol­den State Warriors player zingah NBA regu­lar season chhunga point 15,000 hmu tling thei pangana a ni ta, tun hmain Wilt Cham­berlain, Rick Barry, Paul Arizin leh Chris Mullin te chuan hetiang din­hmun hi an lo luah tawh bawk.

Nimin zing NBA in­khel­ah Curry hian Memphis Grizzlies lakah point 20 a score bakah rebounds vawi sarih lain a team hi 110-93 in hnehna a chanpui a, season kal laia a vawi 21 nan hnehna an chang.

Golden State tan hian Kevin Durant chuan point 23 score in Larry Bird (21,791points) a khum a, NBA pumpuiah point score hnem 33-na chiah a ni ta. Point 16 score tu Klay Thompson chuan GSW tan hian rebound vawi nga a la tel bawk.