Minerva khelmualah Bagan leng dawn

Kolkata derby-a chak lo hlim Mohun Bagan chu vawiin chawhnu dar 2:00-ah an inlan lehnghal dawn a, league match khel turin champion lai Minerva Punjab an lenchilh ang.

Minerva hi an league match hnuhnung pali-ah an tlawm tawh lo a, hei vang hian East Bengal laka chak lo hlim Bagan tan chak a harsa dawn tih a chiang - Kolkata club hian tun season-ah match hnihah chiah hnehna an la chang!

Bagan buaina belhchhah turin MInerva tan Japanese striker Yu Kuboki a dam ṭha tawh a, Kolkata club hian derby-a inhliam Pintu Mahata, Sukhdev Singh leh Sony Norde an chhawr theih a rinawm lo a, defender Eze Kingsley chu hrem vangin a inlan thei lo bawk ang.