Derby coach Lampard a lawm lo

Thawhṭanni zan khan Cham­pion­ship match-ah Derby County leh Nottingham Forest chu goal khung loin an inhnehtawk a, penalty pek an nih loh avangin Derby coach Frank Lampard a lawm lo hle.

Season thara Premier League khelh tum Derby County hian forward Tom Lawrence hmangin goal khungna remchang nei mah se defender Tendayi Darikwa-a'n a ti tlu a, penalty beisei mah se pek an ni lo.

Derby coach Frank Lampard chuan, "Penalty pek dan awlsam ber chu striker tawh fuh an ni a, defender-in an kawnga an kut hmanga an kawih beh tlat hian a ni," tiin referee chu thil thleng lian tak hmaihah a puh.

Chelsea legend chuan, "Referee ngaihdanah penalty a ni lo a ni mai thei a, mahse kha chu penalty chiang tak, game thlak theitu tur a ni," tiin a lungawi lo hle.