Club World Cup-ah Real Madrid

Khawvela football club ṭha ber zawnna Club World Cup semifinal-ah zanin hian Real Madrid an inlan dawn a, dar 10:00-ah Kashima Antlers nen an inkhel ang.

Real Madrid captain Sergio Ramos chuan, "Club World Cup khelh chu season hmasaah kan che ṭha tihna a ni a, khawvel champion ni tura chance ṭha min siamsaktu a ni. Nomawi hawn ngei kan duh," tiin a sawi.

Real hi European champion an nih avangin semifinal an lut sa a, an hmachhawn tur Kashima Antlers hi Asian champion niin quarterfinal aṭangin an inlan ṭan thung.

Nizan khan South American champion River Plate leh UAE champion Al-Ain an inhmachhawn a, Real hian hnehna an chan chuan he inkhela chak zawk hi December 22-ah final an khelhpui ang.