Damdawi in aṭangin Garcia a chhuak

Manchester City defender Eric Garcia chu Ningani zan khan damdawi in aṭangin a chhuak a, a hliam la dam chiah lo mah se in lamah enkawl chhunzawm a ni ang.

Etihad Stadium-a Arsenal an sawp ṭumin Garcia hi an keeper Ederson nen ball kang lak an tumna lamah a inhliam a, khelmualah minute 11 chhung vel buaipui a ngai hial - oxygen pek a nih hnuah zawn chhuah a ni.

Man City chuan an player dinhmun tak hi an tarlang chiang lo a, "A awmdan ngaihchan a ni dawn, engtik niah nge a training leh theih ang tih chu a hriat theih thuai kan beisei," tiin chanchin ṭha hre turah an inngai.

Premier League champion City hian nomawi an kawl lai chu Liverpool lakah an hloh ngei dawnin a lang tawh. Pep Guardiola naute hian Covid-19 len hnua an match hnihna atan Thawhṭanni zanah Burnley an mikhual leh ang.