Magpies leina tur dal turin ngen

Saudi Arabia Public Investment Fund telna pawl pathumin Newcastle United lei an tumna chuan dotu a neih belh zel a, UK sorkara MP nilai Angus MacNeil chuan sorkar chu Saudi lam inrawlhna avang hian Magpies lei tumna chu dal turin a ngen. 

Kartir lam khan World Trade Organisation (WTO) chuan Saudi Arabia hian broadcaster beoutQ chu international piracy dan bawhchhiat chungchangah a pui niin an sawi.

April thla khan Middle East leh North Africa-a Premier League official broadcaster beIN Sports chuan beoutQ hi dan loa Premier League lo pe chhawng ve leh ṭhinah an lo puh tawh a, Saudi-a innghat beoutQ hi Saudi sorkarin a pui nia ngaiin Newcastle lei tumna awm hi an lo dodal tawh.

International Trade Select Committee-a chair Angus MacNeil chuan trade secretary Liz Truss hnenah lehkha thawnin Saudi sorkar chet dan chu a dem a, "Saudi PIF hian Newcastle United an lei hi kan remti tur a ni lo," tiin a sawi.