Chelsea-in Callum Wilson an duh

Chelsea assistant ma­nager Gianfranco Zola chuan Bournemouth leh England striker Callum Wilson an duh thu a pha lo a, "Keini chauh ni lo club dang tam tak pawhin an duh ang," a ti.

Kum 26 mi striker hian Bournemouth tan season duhawm tak hmang mekin inelna hrang hrangah match 18 a khelh sak aṭangin goal kua a khung tawh a, thla hmasa lawk khan England tana a match hmasa berah USA lamah goal a khung nghal bawk.

Zola chuan, "Wilson chauh lo pawh hi player dang tam tak nen sawi­zawm kan ni ang," a ti a, Cherries striker chung­chang sawi zawmin, "Wil­son ka duhna chhan lian tak pakhat chu boruak kangah a ṭha hi a ni a, chu chu quality pawimawh tak a ni.

"Mahse, thui tak sawi ka tum lo. A khel ṭha ṭhin a, ka lawmpui a ni," a ti a, Zola ṭawngkam aṭanga teh chuan Blues hian January-ah he player hi an thlithlai a nih pawhin a mak lo ang.