Blasters-in David James an ban

Kerala Blasters chuan an coach David James an ban a, club CEO Varun Tripuraneni chuan, "A hnathawh avangin David chungah lawmthu kan sawi a, a hun kal zel tur atan duhsakna kan hlan a ni," tiin Liverpool goalkeeper hlui an thlahna thu a sawi.

South Indian club hian an match hmasa berah ATK hneh nghal mah se a hnua match 11 an khelhah an chak leh tawh lo a, a tawpah coach-in a tawrh a ṭul ta a ni.

Blasters hian season hmasa khan Manchester United assistant coach hlui Rene Meulensteen chu season laihawlah a hna aṭangin an lo chawlhtir tawh a, David James-a'n a thlak.

West Ham leh Man­chester City tan pawha khel tawh James hi sea­son ṭan dawnah khan kum thum chhung atan contract ziahpui zui a ni a, mahse match 12-ah vawi khat chiah chakin vawi nga an khingpui an draw a, vawi khat chiah hnehna changin ban a ni ta a ni.

ISL season hmasa bera player-manager ni chunga final-a Blasters hruai thlengtu James chuan, "Management, player leh staff-te min ṭawiawmna zawng zawngah lawmthu ka hrilh a, an hma hun atan duhsakna ka hlan a ni," tiin a sawi.