Barca player thar Murillo

Barcelona chuan an tlarhnung chak tawk lohna lai thuam phui an tum a, an elpui Valencia aṭangin defender Jeison Murillo chu tun season chhung loan hmangin an lalut a, season tawpah a ngheta an lalut duh a nih chuan pound maktaduai 22.6 in an lei thei ang.

Kum 26 mi hian season hmasa khan Inter Milan aṭangin Valencia tan loan hmangin a khel tawh a, chumi hnuah a nghetin a lut. La Liga club tan a nghetin season chanve a hmang hman chauh tihah Catalan club lian a pan leh ta zawk.

La Liga hmahruaitu Barce-lona hian an league match hmasa 11-ah goal 19 ngawt an chhuah a, tun hnaiah insiam ṭhain match thum chhung chu goal chhuah loin an kal ta. Defender Thomas Vermaelen leh Samuel Umtiti te hliam vanga an chhawr theih loh mek avangin Colombia tana match 27 khel tawh Murillo hi an mamawh chhanna ni thei tura ngaih a ni.