India ramah NBA

Basketball ngaina tute tan chanchin lawmawm a thleng ta. National Bas­ketball Association (NBA) chuan Ningani khan thuchhuah an siam a, a vawi khat nan India ramah NBA inkhel hmuh tur a awm dawn.

Nakkum October 4-5 hian Mumbai khawpuiah Sacramento Kings leh Indiana Pacers te chuan pre-season game an khel dawn tih a chiang ta. NBA regular season ang em chu ni lo mah se player ṭha leh hmuhnawm hlir an inlan ang.

NBA Commissioner Adam Silver chuan, "India rama NBA game kan khel tur hian a ṭha zawngin nghawng a neih ngei kan beisei. He ramah hian infiamnain hma a sawn chak hle, basketball pawhin nasa takin hma a sawn kan beisei. Hun ṭha siamsak theitu Kings leh Pacers te chungah lawmthu kan sawi," a ti.