Mumbai tan point khat

Lallianzuala Chhangte chuan, "Beisei kan la nei a, mahse, chak loh erawh a thiang tawh lo," tiin Al Jazira nena an inkhelh hmain Vanglaini a hrilh a, an inkhelh zawha result chu 0-0 a ni.

AFC Champions League-a an match linaah Mumbai hian Al Jazira an chelh a, match li an khelh tawh aṭangin point li an hmu mek - west region aṭanga pahnihna ti ṭha pathum zinga tel chunga last 16 luh beiseina an la nei zel.

Mumbai tan ṭum dang ang thoin Lallianzuala Chhangte leh Lalengmawia Ralte ten inkhel bul an ṭan a, defender Hmingthanmawia erawh bench lamah a awm tluan thung.

Group B-ah Mumbai hian point li an nei a, an elpui Al-Jazira leh Air Force Sports Club te nen point li ṭheuh an hmu a, Al-Shabab chuan point 10 hmuin hma an hruai thung - match li ṭheuh an khel tawh.