Futsal League-ah Electric Veng an êng

Kuriz Collection MFA Futsal League Season 3 chu R. Dengṭhuama Hall, Mualpuiah inelna neih mek a ni a, Thawhṭanni khan Electric Veng chuan Chhinga Veng chu 5-1 a sawpin group B-ah hmahruaitu an ni. Futsal League-ah hian team 16 an awm a, group khatah team pariat ve ve an awm.

Group khat aṭangin team paliin quarterfinal an lut dawn a, a hniam pahnih hi League One-ah an relegate dawn. Match thum khelh zawhah group B aṭanga a sang palia awm chu Electric Veng FC, Lawmna FC, Amawii Bawngkawn leh Saron Veng FC te an ni.