Inter Dist Boxing C'ship an ṭan

Mizoram Boxing Association (MIZBA) buatsaih Inter District Boxing Championship vawi 18-na chu nimin aṭang khan MIZBA Boxing Hall-ah khelh ṭan a ni. Opening function-ah Sports, Youth Affairs & Tourism Board vice chairman TC Pachhunga chu khuallian atan an hmang.

TC Pachhunga chuan, "Hripui leng nasa tak kar a, MIZBA-in Inter Dist Boxing Championship an buatsaih thei hi an fakawm hle. Dist hrang hranga boxer-te harsatna tam tak paltlang a an lo tel thei hi a lawmawm. Mizoram sorkarin sports policy mumal tak a nei tawh a, hemi hmang hian sports tih hmasawn a, industry anga kalpui a ṭul a ni," tiin a sawi.

Inelna hi April 19-22, 2022 chhung neih tur a ni a, district 10 aṭangin boxer 188 an fuan khawm. Category hi senior, junior leh sub junior-ah ṭhen niin category tinah hian mipa leh hmeichhe inelna a awm vek a ni.