Jazz lakah Mavericks an tho chhuak

Jalen Brunson-a point 41 hmangin Dallas Mavericks chuan Utah Jazz 110-104 in an hneh a, match hmasa zawkah chak lo mah se best of seven series-ah 1-1 in an inhnehtawk.

Nimin zing inkhelah hliam vangin Luka Doncic a la inlan thei lo, mahse Brunson-a'n NBA a khelh china point a neih hnem ber ṭum a tawng miau a, point 25 neitu Maxi Kleber a khelh ṭhat bawk avangin an chak.

Inkhel dangah Philadelphia 76ers chuan 2-0 a series hma hruai turin Toronto Raptors chu 112-97 in an hneh a, tlang tur erawh chuan a tlem berah match hnih dang an chak leh phawt a la ngai.

Golden State Warriors pawhin Denver Nuggets chu 126-106 in an hneh nawn a, game hnih an khelh tawhah GSW an chak ve ve. Zirtawpni zingah game 3 an khel chhunzawm leh ang.

Nimin Zing NBA Results
Eastern Conference First Round
Toronto Raptors 97 - 112 Philadelphia 76ers
(76ers hian series-ah 2-0 in hma an hruai)
Western Conference First Round
Utah Jazz 104 - 110 Dallas Mavericks
(Series-ah 1-1 an inhnehtawk mek)
Denver Nuggets 106 - 126 Golden State Warriors
(Warriors hian series-ah 2-0 in hma an hruai)