Rousey hmalam a chiang lo

Ultimate Fighting Champion­ship (UFC)-ah Ronda Rousey a let a, minute khat pawh a daih lo. American mixed martial artist Rousey hi second 48 lekah Amanda Nunes-i'n technical knockout-in a hneh.

December 31 zinga neih UFC 207-ah Brazilian Nunes hian Rousey lakah bantamweight title a humhim a, mipa lamah erawh Dominick Cruz-a'n American fighter Cody Garbrandt lakah unanimous decision-in bantam weight title a hloh thung.

Kum 29-a upa Rousey hian vawi 12 a zawna a chak hnuah November 15, 2015 khan Holly Holm lakah a mualpho a, hemi hnu hian kum khat chuang zet chawlin thla liam ta khan a rawn let. American fighter Rousey hian Nunes a hmachhawn ṭum hian dollar maktaduai thum (£2.4m) zet hlawh anga sawi ni mah se Octagon chhungah erawh beisei a pha lo hle.

Rousey hi a career-ah vawi hnih chiah a la chak lo a, amaherawhchu hneh loh a tawn ṭum hi match hnuhnung pahnih a nih avangin a hmalam hun ngaihtuah a ṭul thu a sawi. American fighter chuan, "UFC-a hmeichhe inelnain nasa taka hma a sawn theihna atana tha ka thawh ve nia ka inhriat avangin ka lawm a, hmeichhe dang pawh tha a thawh hlawk bawk. Chung zingah chuan Amanda pawh hi a tel a ni. Ka hmalam hun erawh uluk taka ngaihtuah turin hun ka mamawh. Ka chunga rinna in nghah avang leh min hrethiam avangin ka lawm hle a ni," tiin a sawi.

Hmeichhe bantamweight cham­pion Nunes chuan, "Ronda hian UFC-in hma a sawn theih nan a thawh hlawk a, tunah erawh cham­pion ka ni tih chiang takin ka lantir a ni," tiin a khingpui a fak rualin a chungnun zia a sawi tel zauh.

UFC 208 hi February 12, Pa­thianni zingah Brooklyn, New York-ah neih a ni ang a, hmeichhe feather weight title fight-ah Holly Holm leh Germaine de Randamie te an inhmachhawn ang.

UFC 207 : Main Card - Results
Weight class Winner Loser Method Rd Time
Women's Bantamweight *Amanda Nunes def. Ronda Rousey TKO (punches) 1 0:48
Bantamweight *Cody Garbrandt def. Dominick Cruz (c) Decision (unanimous) (48-46, 48-47, 48-46) 5 5:00
Bantamweight T.J. Dillashaw def. John Lineker Decision (unanimous) (30-26, 30-26, 30-26) 3 5:00
Welterweight Dong Hyun Kim def. Tarec Saffiedine Decision (split) (27-30, 29-28, 29-28) 3 5:00
Catchweight (129.5 lbs) Ray Borg def. Louis Smolka Decision (unanimous) (30-27, 30-26, 30-26) 3 5:00
* Title Fight