Swansea boss thar Paul Clement
Bayern Munich assistant manager Paul Clement chuan Swansea City coach ni turin kum hnih leh a chanve chhung atan contract a ziak. Chelsea leh Real Madrid assistant manager pawh lo ni tawh Clement hian Bayern a pan hmain Championship club Derby County chu thla riat a enkawl hman a, an beisei ang result a neihpui theih loh avangin February 2016 khan ban a ni.
Welsh club hian October thlaa Bob Bradley an lakluh hma khan Clement hi coach turin interview an lo neihpui tawh a, American coach Bradley hnuaia match 11-a vawi sarih tlawm hmel an hmuh hnuah Clement hi an lalut leh ta tho a ni. Kum 44-a upa Clement an lakluh hma hian Swansea hi Manchester United assistant Ryan Giggs, Wales boss Chris Coleman leh Birmingham City manager hlui Gary Rowett te nen sawizawm an lo ni tawh bawk.