Chhinga Vengin Chanmari FC an hneh

Mizoram Premier League Under 18-ah Chhinga Veng chuan nimin khan an elpui Chanmari FC chu 2-0 in an hneh.

Tualchhung football-a record nei ṭha ber zinga mi coach Lalremruata kaihhruai Chhingcows hian an khingpui an la hneh vek a, hneh loh nei lo awm chhun an ni.

Lammuala inkhel nung ṭha takah Chhinga Veng tan Lalruatsanga leh Lalrinpuia ten first half-ah an khung a, Chanamariin a chhanletna an nei lo.

Inkhel dangah Mizoram Police-in FC Bethlehem 1-0 in an hneh a, pathumnaah an inhlangkai.

MPL Under 18 hian Indian football beng a thleng a, ISL club pahnihin scout an tirh mek bakah football agency liante pawhin a hmunah an kal chilh a ni.