Zaninah CYMA Cricket Vuak Hawnna

11th Inter Branch Cricket Tournament chu zanin dar 8:00 hian CYMA Hall, Tuikhuahtlangah Vuak hawnna neih a ni dawn. Zonet leh LPS-ah live-a pekchhuah a ni ang.

CYMA president R. Lalngheta'n vuak hawnna hi a nei ang a, CAM president Robert Lalfamkima leh CYMA Sports Sub Committee chairman R. Lalrinmawia ten thusawina hun an nei bawk ang.

CYMA Cricket hi Covid-19 vangin nikum khan neih theih a ni lo a, inelna neih hnuhnun ber chu kum 2018 daih tawh kha niin Ramhlun Venglai an champion.

Ramhlun Venglai hian vawi sarih final lut tawhin vawi li an champion a, Chanmari chu vawi li tho champion nomawi chawi tawhin final-ah ṭum khat an vanduai ve bawk.

Ramhlun Venglai leh Chanmari bakah hian champion hmasa ber Armed Veng leh Durtlang te vawi khat ve ve an champion tawh bawk.