NE senior camp-ah Mizo panga

India rama cricket thuneitu sang Board of Control for Cricket in India (BCCI) hnuaia awm - All India Women Selection Committee chuan India hmarchhak a hmeichhe cricketer te puala training camp a buatsaih dawn a, Mizo cricketer panga a ko tel.

Camp a tel turte hi - Lalrinmawii, Govt. Complex; Lalnunsangi Ngurte, Chhinga Veng; K. Lalrinawmi, Durtlang; Julie Malsawmtluangi, Mamit leh Lalhriatpuii, Armed Veng te an ni.

North East Senior Women's Camp hi Kalyani a Bengal Cricket Academy-ah May 9 aṭanga June ni 2 thleng neih tur a ni dawn. BCCI hnuaia inelna hrang hrang a India hmarchhak state-te aṭanga player che ṭha thlanchhuah zingah Mizo hi an tel a ni.

Cricketer pangate hi tunah hian Mizoram Women's Senior team tan Senior Womens T20 League khelin Guwahati-ah hun an hmang mek.