Under-19 ah Mizo pathum

Mizoram cricketer pathum chu All India Junior Selection Committee chuan, May 9 aṭanga NCA-a kalpui tur NCA Under-19 Boys camp a tel turin a ko.

Bangalore a camp-ah hian K. Vanrotlinga, Ramhlun Venglai; Sahil Sharma, Ṭhuampui leh Malsawmtluanga, Hunthar Veng te chu koh an ni. May 9 aṭanga June 2 thleng camp hi neih a ni ang.

NCA a camp nei tur cricketer pathumte zingah hian pahnih - K. Vanrotlinga leh Sahil Sharma te hi Col. C K Nayudu Trophy-ah Mizoram Under 25 team tan an khel mek.