Damdawi inah Marsh a awm

Mitchell Marsh chu Covid-19 positive vangin damdawi inah a awm a, Australia all rounder hian Indian Premier League a khelh mek avangin a chanchinin ngaihven a hlawh.

Kum 30 mi Marsh hi a club khelhna Delhi Capitals medical staff ten uluk taka an vil thu an sawi. Capitals-ah hian hri leng kai dang pawh an awm a, anni erawh natna a lang chhuak lo.

Capitals player dang-te hi an thlenna hotel-ah khung hran an ni a, Covid-19 test an nei reng bawk. Nilaini hian Capitals hi Pune-ah Punjab Kings nen inkhel tur an ni a, an inkhelhna hmun hi Mumbai-ah an sawn. BCCI chuan inkhelhna hmun an sawn chhan hi Covid-19 laka invenna a nih thu an sawi.