FC Thyristor an vul zel

Kuriz Collection MFA Futsal League Season 3 chu R. Dengṭhuama Hall, Mualpuiah inelna neih mek a ni a, group A-ah Ramhlun Venglai club FC Thyristor chuan April 19, Thawhlehni zan khan Laipuitlang club Zaia Memorial FC 4-2 in an hneh. Thyristor hian match li an khelh tawhah an khingpui an la hneh vek.

Group khat aṭangin team paliin quarterfinal an lut dawn a, a hniam pahnih hi League One-ah an relegate dawn.

Match li khelh zawhah group B aṭangin Thyristor bakah Chanmari Zothan Futsal leh IDBI Capital ten hneh loh la tawng loin quarterfinal lut turin an dinhmun a ṭha tawh hle.