Final-ah Juventus an lut

Coppa Italia final khel tur a chiang - Juventus chuan Fiorentina 3-0 a hnehin final an lut a, semifinal lehlama hnehna changtu Inter Milan nen May 11, Nilainiah nomawi an inchuh ang.

Semifinal first leg-ah Old Lady hi 1-0 in an chak. Nilaini zana second leg inkhelah Federico Bernardeschi leh Danilo te goal hmangin 2-0 in hnehna an chang nawn leh a, harsa vak loin final an inhlangkai.

Massimiliano Allegri enkawl Juve hian Serie A nomawi an beisei phak tawh lo. Champions League aṭangin an tla tawh bawk, tun season atan Coppa Italia chiah hi champion an beiseina a ni a, an ngai thutak hle.