Melvin-a'n Aizawl FC chakpui

Mizoram Premier League Under 18-ah Aizawl FC chuan hun tawp dawna Melvin C. Vanlalnghaka goal hnih hmangin Chawnpui FC 2-1 in an hneh. Chawnpui hian Lalthankima hmangin minute 69-naah goal an khung a, a vawi khat nan point hlawh chhuak thei dinhmunah ding mah se minute 79-na leh injury time-ah Aizawl FC tan Melvin-a'n goal hnih a khung.

Nimin Lammual inkhel dangah FC Venghnuai leh Electric Veng FC te 1-1 in an inhnehtawk. MPL U18-ah hian a sang pahnihin semifinal an khel dawn a, match hnih chiah khelh tur awm tawhin league hmahruaitu Chhinga Vengin semifinal an lut tawh.

Hmunruak pathum la awm hi Chanmari FC, FC Venghnuai, Mizoram Police leh Aizawl FC ten an inchuh ang.