CYMA Cricket 2022 Fixtures a chhuak ta

Central YMA leh Cricket Association of Mizoram ṭangkawpin an buatsaih Mizorama cricket inelna lian 11th Inter Branch YMA Cricket Tournament vuak hawnna chu April 21, Ningani zan khan Central YMA Hall, Tuikhuahtlangah neih a ni a, fi xtures tlangzarh nghal a ni. 

Branch 45 - inelna hian hmachhawn dawn a, Aizawl khaw pawn aṭangin branch pali New Serchhip Bazar, Serchhip Hmar Veng, Meisatla (Siaha) leh Lunglei Lunglawn te an tel. Inelna vaw haw ngtu C YMA president R. Vanlalngheta chuan, "Mizo ṭhalaite tan cricket hi eizawnna tling chauh ni loin hausak theihna a ni a, kan ṭhalaite hian nasa zawkin han tuipui ila, sang tak kan thlen theih bakah tumahin ruihtheih thil leh khawtlang duh lohte hi kan buaipui peih lo ang," tiin thu a sawi.

CYMA assistant secretary Prof Malsawmliana chuan fixtures hi a tlangzarh. Inelna neih hnuhnun ber kum 2018-a quarterfinalist te chu seeded niin last 16-ah an lut sa. Chung team pariatte chu champion lai Ramhlun Venglai leh fi nalist Durtlang bakah Zemabawk, Luangmual, Chaltlang, Ramthar Veng, Chanmari leh Armed Veng te an ni.

Record nei ṭha ber Ramhlun Venglai tan final lut turin champion tawh an hmachhawn a ngai lo. Vawi li champion tawh dang Chanmari erawhin final thleng turin champion hmasa ber Armed Veng emaw vawi li final lut tawh Durtlang te an hmachhawn a ngai thung ang.

Inelna hi April 26,  awhlehni aṭangin khelh ṭan a ni dawn a, round hmasa lam hi Durtlang, Mualpui leh Ramhlun Sports Complex-ah khelh a ni dawn. Quarterfi nal aṭangin Sihhmuiah khelh a ni ang.