Barcelona an insiam ṭha - an chak e

Match hnih zet a zawna an tlawm hnuah Barcelona an insiamṭha nghal a, an mikhualna ramah Real Sociedad chu 1-0 in an hneh a, table-ah pahnihnaah an invawrh chho ve leh ta. Barcelona tan PierreEmerick Aubameyang chuan inkhela goal awmchhun hi a khung a, season thara European football khelh beisei Real Sociedad-in a chhanletna tur an nei lo.

Catalan club-in hnehna chang mah se champion sawi rik chi a ni tawh lo a, match khata khel tlem chungin hmahruaitu Real Madrid chu point 15-in an phak lo mek. H e t i h l a i h i a n S e v i l l a pawhin hnehna an chang a, khualmualah Levante chu 3-2 in an hneh - table-ah pathumna an ni a, Barcelona aia match khata khel tamin an point hmuh zat a inang.

A hming Auba
January transfer-ah Arsenalin a nungchang avangin Auba an chhuahtir a, coach Mikel Arteta-a'n a striker hi Gunners jersey ha chunga inlan tlakah a ngai tawh lo.

Spanish coach thutlukna hi Barca lawmah a tla a, lawm takin Auba hi an lo kuangkuah. Hnawl a nih laia amah duhtu club tan Auba a vul zui a, goal a khung leh ta.

Gabon international hian minute 11-naah Manchester City forward hlui Ferran Torres-a ball cross chu a tauh lut a, La Liga-a match 11 a khelh aṭangin goal kua a khung der tawh! Kum 32 mi Auba hian Barcelona a pan hnuah inelna hrang hrangah match 17 khelin goal 11 a khung a, January-ah Barca a pan chauh chungin Memphis Depay (11 goals) nen tun season-a Barca tana goal khung hnem ber an ni mek - Depay hian match 32 a khel tawh thung.

Barca an vannei
Match hnih an tlawm hnuah Barca an chak ve leh ta a, mahse, an chak dan thlirin Catalan club tan lawma zuanna tur a ni lo - goal khat chiah an khung a, an lama goal a lut lo chu an vannei takzet bawk.

Season thara European f o o t b a l l k h e l h d u h R e a l Sociedad tan Alexander Sorloth chuan chance duhawm a nei a, mahse, Barca keeper MarcAndre ter Stegen chuan ṭha zetin a dansak.

Kum 26 mi Sorloth hian goal khung theihna chance duhawm dang vawi hnih a nei bawk a, mahse, hei pawh goal-ah a chantir thei lo. European football-a hming langsar ni mek Alexander Isak pawhin uiawm takin chance a hlah.

Sociedad hian 56% ball an chang a, vawi riat zet shot neiin heng zinga vawi nga chu target zawnah a kal - Barcelona-in vawi 11 shot an nei a, target zawna kal awmchhun hmangin goal an khung. Hetihlai hian Barca hi vannei hlawm tawpa sawi erawh a rem bik lo a, Ousmane Dembele chuan a chance neih hmangin post a tih per ve tho.

Sevilla an chak Barcelona khelh hmain Sevilla an inlan a, an mikhualna ramah Levante chu 3-2 in an hneh - season thara Champions League khelh beiseina an neih chu an chhi nung ve zel. Sevilla tan Jesus Corona chuan goal vawi hnih a khung a, Jules Kounde chuan goal khat a thawh bawk - Levante tan Jose Luis Morales chuan penalty hmangin si phurh vawi khat a sut a, Corona-a'n Sevilla goal hnihna a khung hnuah Levante hian penalty bawk an hmu. Mahse, Morales-a'n goal-ah a chantir thei tawh lo a, Kounde chuan minute 81-naah Sevilla tan chak nemnghehna goal a khung zui. Hun tawp nan minute thum chiah a awm tawh tihah Roberto Soldado chuan Levante tan khung ve leh mah se a team tan phurna thar a thlen zo tawh lo.

S e v i l l a - i n h n e h n a a n chan avangin season tharah Champions League an khelh ngei a rinawm a, Levante erawh uiawm taka an tlawm avangin relegation zone-ah mawngphah luahtu Alaves nen an point hmuh zat a inang - season thara Spanish top fl ight league khelh chhunzawm turin insiamṭhat an mamawh.