Chuai thei lo MS Dhoni

I n d i a n P r e m i e r League-ah kum 40 mi Mahendra Singh Dhonia'n 'fi nisher ropui' a nihzia a pholang leh ta. Chennai Super Kings-in Nilaini zan khan Mumbai Indians chu wicket thumin an hneh a, Dhoni hian ball hnuhnung pali a hmachhawn aṭangin 16 runs siamin hnehna a chanpui.

IPL-a record nei ṭha ber Mumbai Indians erawh match sarih an khelh tawhah an la chak lo vek. Mumbai leh India captain ni bawk Rohit Sharma leh a hote hian record duhawm lo an siam a, IPL season bul ṭan chhe ber an ni.

Dr. DY Patil Sports Academy, Navi Mumbai-a inkhelah Chennai-in vawm hmasak an thlang. Mumbai opener pahnih Rohit Sharma leh Ishan Kishan ten run an siam lo a, an dinhmun chhe viau mah se over tawp lamah ṭum dang ang thoin Chennai-in runs an pe tam.

Tilak Varma-a'n half century (51*) a siam zarah Mumbai hian 155/7 runs an siam a, target ṭha tak chhawp lo mah se chakpui theih erawh a ni thung. Chennai-in bul an ṭan ṭha bik lo a, over tawp lamah an talbuai. Over tawp berah chak turin 17 runs an la mamawh a, ball hmasa berah Jaydev Unadkat-a'n Dwaine Pretorius a vawm hlum. 

Dwayne Bravo rawn lutin ani hian Dhoni-a'n a bat theih nan run khat a siam.Super Kings tan chak turin ball liah 16 runs siam a ngai a, thil thei loh tluk ni mah se Dhoni a awm tlat. Mumbai bowler Unadkat-a'n vawm chhe lo mah se Dhoni-a'n six runs a vaw nghal a, four runs-in a chhunzawm. Ball hnihah run ruk siam a la ngai a, Dhoni-a'n run hnih a siam hnuah ball tawp berah run li vaw chhuakin Chennai hnehna a chanpui.