Max nen naupan lai aṭangin kan inel - Leclerc

Formula 1 hmahruaitu Charles Leclerc chuan an naupan lai chanchin a sawi a, champion lai Max Verstappen nen i n t l a n s i a k n a h n i a m leh nep deuh zawk an hmachhawn lai aṭanga inel an nih tawh thu a sawi.

Tun season-ah Ferrari driver Leclerc a la che ṭha ber, intlansiak pathumah Verstappen nen na takin an inum. Mahse, Red Bull driver hi car engine chiang lo vangin a tlan tluan ve thei lo, an la in um chhunzawm zel dawn.

Kum 24 mi Leclerc chuan, "Tun season inelna hi a sangin kan inhnaih dawn. Inelna hniam zawk kan hmachhawh lai aṭangin kan inum tawh a, thil eng emaw pakhatah phei chuan inhuatna kan nei," a ti a, an inhuatna tak erawh a sawi lang lo thung.

Leclerc leh Verstappen te bakah Mercedes driver pahnih Lewis Hamilton leh George Russell te hi nomawi inchuh tur an ni dawn a, season dang zawng aiin kuminah hian champion tur rinthiam a harsa.

D u t c h t l a n g v a l Verstappen chuan, "Ka thiam dan takin ka tlan leh ang, chu chu ka nihna a ni," a ti. Pathianni zan dar 6:30 hian Emilia Romagna Grand Prix an tlan dawn, season hmasa khan he hmunah hian Max-a hi chakin a hnungah Hamilton a thleng.