Bayern Munich champion zan?

Zanin dar 10:00 hian Bayern Munich-in Borussia Dortmund an mikhual dawn. Bavarians hian hnehna an chang a nih chuan Bundesliga-ah a zawna vawi 10 nan an champion dawn a, Julian Nagelsmann hnuaia league title hmasa ber a ni bawk ang.

Bayern hian Nagelsmann hnuaiah season bul ṭan ṭha mah se thlasik chawlh hnuah ngai an awh leh tawh lo. Nagelsmann-a hote hian Champions League-ah Villarreal an hneh loh avangin Bundesliga-ah an insawrbing thei tawh.

Germany international Jamal Musiala chuan, "Villarreal kan hneh loh zawh kha chuan hrehawm kan ti hle. Arminia lakah kan insiamṭha a, goal ka khung leh ta bawk. Dortmund lakah 'match point' kan nei a, a phurawm takzet," tiin a sawi.Chutihrualin Dortmund hian an match hnuhnung berah Wolfsburg 6-1 in an sawp a, striker chhuanvawr Erling Haaland-a'n goal hnih a khung. Zanin inkhelhna tur hi Allianz Arena ni mah se Marco Rose hote hi champion lai hmachhawn turin an inpeih.

Bayern leh Dortmund inkhel t i n g a i n aw m t u c h u R o b e r t Lewandowski leh Haaland te an ni a, zanin hi Der Klassiker-a an inhmachhawn hnuhnung ber a ni thei. Lewy hi Bayern chhuahsan thei dinhmunah a ding a, Haaland hi Man City nen sawizawm a ni bawk.