MPL Under 18

Mizoram Football Association leh Mizoram Youth Commission-in an buatsaih Mizoram Premier League Under 18-ah knock-out stage khelh hmain round khat chauh khelh tur a awm tawh a, semifinal lut tur team pakhat chiah a chiang tawh lo.

Chhinga Veng FC, Chanmari FC leh FC Venghnuai ten knockout stage an lut tawh a, Mizoram Police leh Aizawl FC ten hmun ruak pakhat hi an inchuh dawn.

Police hian Aizawl FC aiin point thumin an hmu tam a, goal difference-ah goal ruk ngawtin ṭha zawk mah se head to head en a nih avangin semifinal lut turin point khat hmuh a la ngai.

Chutihrualin vawiin chawhma dar 10:00 inkhelah Aizawl FC-in Electric Veng an hneh loh chuan Police hian semifinal an lut dawn a, pressure nei loin group match hnuhnung ber an khel thei ang.